• Կրեմի և ասպիրինի փոխարեն՝ տավարի ճարպ պիլինգի համար. գեղեցկության խորհուրդներ բլոգերներից, որոնք ավելի լավ է չկրկնել

  Ինտերնետը կարող է գրեթե ամեն ինչ վերածել գեղեցկության սենսացիայի, և որքան ավելի արտասովոր է փորձը և որքան ավելի տպավորիչ է տեսանյութի արդյունքը, այնքան մեծ է հավանականությունը, որ հազարավոր օգտատերեր կկրկնեն այն․․․

• Հայ կանանց գեղեցկության լավագույն ընտրությունները այս աշնանը. սեզոնի 5 հիմնական խնամքի միջոցները

  Այս աշնան լավագույն հաճոյախոսությունն է՝ «Դուք հանգստացած տեսք ունեք»․․․

• Մաշկի վերակենդանացում. SOS ուղեցույց ամառային արևայրուքից և այրվածքներից հետո

  Ամառը իր ետևում է թողնում ոչ միայն լողափնյա լուսանկարներ և գեղեցիկ արևայրուք, այլև դեմքի և մարմնի վրա այնպիսի հետքեր, որոնք պակաս հաճելի են և որոնք մենք կցանկանայինք թաքցնել․․․

• Վազելին՝ կրեմի, դիմակի և բալզամի փոխարեն. կարո՞ղ է արդյոք մեկ միջոցը փոխարինել կոսմետիկ պարագաների կեսին

  Վազելինը հերթական գեղեցկության վերադարձն է ապրում․․․

• «Մաշկի դիետա»․ աշխատո՞ւմ է արդյոք կատարյալ մաշկ ունենալու համար TikTok-ի skin cycling մեթոդը

  Մաշկի խնամքը նույնպես վերածվել է հստակ գրաֆիկի. մի երեկո՝ թթուներ, հաջորդը՝ ռետինոլ, հետո՝ երկու օր վերականգնում, և այդպես շարունակ։ Այսպես TikTok-ը հորինեց skin cycling-ը (մաշկի ցիկլավորումը)՝ մի համակարգ, որն առաջարկում է ակտիվ նյութերն օգտագործել ոչ թե միանգամից, այլ հերթագայել ըստ օրերի...

• Ինչու է մանկական կոսմետիկան դարձել գեղեցկության միտում

  Մեծահասակ աղջիկները կրկին լոգարանից հանում են մանկական քսուքներ, յուղեր և շամպուններ․․․

• K-Beauty-ն նոր մակարդակի է հասնում. Հարավային Կորեան գեղեցկության նոր կանոններ է սահմանում

  Կորեական կոսմետիկան վաղուց դադարել է լինել վիրուսային սոցիալական ցանցերի միտում․․․

• «Սառցե դեմք». Արդյո՞ք սառը թերապիան իսկապես աշխատում է, և ի՞նչ է անում սառույցը ձեր մաշկի հետ

  Սառույցը կրկին դարձել է գեղեցկության հիմնական միջոցառում. աղջիկները դեմքերը թաթախում են սառցե ջրով լի ամանների մեջ, սառած գլանափաթեթներով սրբում մաշկը, դիմակները պահում սառնարանում և կարևոր իրադարձությունից առաջ կատարում են տնական սառցե դեմքի խնամք․․․

Գեղեցկության ոլորտը այսօր ապրում է անվերջ փոփոխությունների ռեժիմում․ թրենդները փոխվում են այնքան արագ, որ մենք անգամ չենք հասցնում լիովին հարմարվել դրանց։ Այն, ինչ դեռ երեկ համարվում էր իդեալական, այսօր արդեն կարող է առաջացնել անհարմարություն և քննադատություն։

Նոր սերնդի աղջիկները հաճախ ոչ միայն հետևում են թրենդներին, այլև քննարկում են դրանք, վիճարկում և նույնիսկ հրաժարվում այն թրենդներից, որոնք այլևս կիրառելի չեն առօրյա կյանքում։ Որոշ արտասահմանյան գեղեցկության ոլորտի փորձագետներ արդեն բացահայտ կոչ են անում հրաժարվել դրանցից մի քանիսից և այդ «գեղեցկության աղետները» թողնել անցյալում։

Clean girl

Սկզբում «clean girl» թրենդը ընկալվում էր որպես թեթևություն՝ ծանր դիմահարդարումից հետո․ նվազագույն միջոցներ, խնամված մազեր և մաքուր, բնական մաշկ։ Սակայն շուտով պարզ դարձավ, որ այս «պարզության» հետևում թաքնված է նոր չափանիշ, որին համապատասխանելը այնքան էլ հեշտ չէ։

Հարթ, գրեթե անթերի մաշկ, առանց բշտիկների և կոկիկ դիմագծեր՝ այս ամենը հաճախ ապահովվում է ոչ միայն խնամքով, այլև տարբեր միջամտություններով՝ «բնականությունը» վերածելով մանրակրկիտ ձևավորված ու մտածված կերպարի։ Միաժամանակ փոխվել է նաև շուկան․ վառ ստվերաներկերը, հագեցած երանգներն ու համարձակ հյուսվածքները աստիճանաբար զիջում են տեղը բեժ, շագանակագույն և մեղմ գունային լուծումներին։ Դիմահարդարումը դարձել է անվտանգ և կանխատեսելի, և հենց սա է, որ շատերին նյարդայնացնում է։ Ինտերնետում օգտատեր կանայք հաճախ գրում են, որ «խանութներում անհնար է գտնել վառ ստվերաներկեր, ամեն ինչ դարձել է անչափ միօրինակ», և շատերը բացահայտ խոստովանում են, որ սպասում են այն պահին, երբ այս թրենդը կանցնի։

Կոնտուրինգ + Ռուդոլֆի քիթ

Կոնտուրինգը ինքնին չի անհետացել, բայց դրա կիրառման ձևը զգալիորեն փոխվել է․ մեղմ շտկման փոխարեն հաճախ տեսնում ենք դեմքը գրեթե ամբողջությամբ «վերակառուցելու» փորձ։ Շուրթերը դուրս են գալիս իրենց բնական սահմաններից, այտոսկրերը դառնում են չափազանց ընդգծված, իսկ երանգները չափազանց հակադրական։ Քթի ծայրին չափազանց շատ հայլայթերը, որը հաճախ ծայրահեղ փայլ է հաղորդում սոցիալական ցանցերում, արդեն համեմատվել է «Ռուդոլֆի քթի» հետ. այն շատ պայծառ ու անբնական տեսք ունի։

Օգտատերերը հաճախ գրում են, որ «կատարյալ» դեմքի հասնելու փորձը կոնտուրինգի միջոցով հաճախ բերում է հակառակ արդյունքի․ այս տեխնիկան  հաշվի չի առնում դեմքի անհատական առանձնահատկությունները, և ինչպես իրենք են նշում, «կոնտուրինգը չի համապատասխանում բոլոր դեմքի ձևերին և դա լիովին նորմալ է»։

Glass skin

«Ապակյա մաշկ»-ի թրենդը շարունակում է մնալ, բայց դրա նկատմամբ վերաբերմունքը զգալիորեն փոխվել է։ Տեսականորեն այն կապված է խոնավեցման և առողջ փայլի հետ, սակայն գործնականում հաճախ վերածվում է խնամքի միջոցների չափազանց օգտագործման, ինչի հետևանքով մաշկը ոչ թե թարմ, այլ ծանրաբեռնված է թվում։

Հատկապես դա նկատելի է յուղոտ մաշկի դեպքում, որտեղ բնական փայլի փոխարեն առաջանում է խիտ խնամքի շերտի արդյունք, որը ավելի շատ ընդգծում է մաշկի հյուսվածքը։ Z սերունդը (զումերներ) բավական արագ տարբերեցին առողջ մաշկը այն վիզուալ արդյունքից, որը իրականում գոյություն ունի միայն ճիշտ լուսավորության դեպքում։

Արհեստական պեպեններ

Արհեստական պեպենները երկար ժամանակ ընկալվում էին որպես միջոց դեմքին թեթևություն և «կենդանի» տեսք հաղորդելու համար, սակայն դրանց լայն տարածումը շատ արագ այդ հնարքը վերածեց ճանաչելի մոդելի։ Երբ դրանք նկարվում են նույն սխեմայով՝ նույն խտությամբ և  տեղաբաշխմամբ, բնական տեսքի զգացումն անհետանում է և դրա փոխարեն առաջանում է «նկարված» էֆեկտի տպավորություն։ Այս ամենին ավելանում է ևս մեկ կարևոր դիտարկում, որի մասին հաճախ խոսում են աղջիկները․ ոչ կոկիկ կիրառման դեպքում պեպենները այլևս չեն դիտվում որպես «սիրուն դետալ», այլ ավելի շատ նմանվում են բծերի, որոնք կապվում են ոչ թե էսթետիկայի, այլ անխնամության զգացողության հետ։ Մեկնաբանություններում բացահայտ գրում են, որ «դա տարօրինակ ու ոչ բնական է թվում», հատկապես այն դեպքերում, երբ մաշկն ինքնին նման հյուսվածք չի ունենում։ Այս թրենդը իրականում համընդհանուր է միայն տեսականորեն․ պեպենները բնական ու ներդաշնակ տեսք են ստանում ոչ բոլոր դեմքերի ու մաշկի տեսակների վրա և շատ դեպքերում դրանք ոչ թե ընդգծում են արտաքին տեսքը, այլ ավելորդ կերպով ծանրաբեռնում են այն։

«Կուպիդոնի աղեղ»

Բնական շուրթերի ձևը ամբողջությամբ «ծածկելու» և նոր ձև նկարելու փորձը շարունակում է մնալ ամենաշատ քննարկվող հնարքներից մեկը։ Շուրթերը մեծ ազդեցություն ունեն դեմքի ընդհանուր հավասարակշռության վրա և դրանց անատոմիայի անտեսումը հազվադեպ է տալիս ներդաշնակ արդյունք։ Մեկնաբանություններում սա շատ պարզ են նկարագրում․ «թվում է, չես կարողացել ճիշտ գծի մեջ մնալ» և շատերը նշում են, որ այս տեխնիկան հազվադեպ է համոզիչ տեսք ունենում։ Հենց այդ պատճառով շատ աղջիկներ հրաժարվում են այս մոտեցումից՝ նախընտրելով աշխատել իրենց բնական շուրթերի ձևի հետ։

Հետևեք NEWS.am STYLE-ին Facebook-ում, Twitter-ում և Instagram-ում